HoroskopiShqipOfficial në Instagram!

Akrepi

Të lindur më: 23 Tetor - 21 Nëntor

Horoskopi Ditor

E Martë, 20 Tetor 2020

Lajm i mirë për zemrat e vetmuara, ata së shpejti mund të përjetojnë emocione të veçanta dhe intriguese. Në frontin e punës, bëjini gjërat me qetësi dhe pa nxitim, veçanërisht nëse duhet të realizoni një projekt.

Horoskopi Javor

19 Tetor - 25 Tetor 2020

Puna: Këtë javë do të duhet të shprehni mendimet tuaja, përndryshe dikush mund të marrë vendime që janë në kundërshtim me mënyrën tuaj të të menduarit dhe mbi të gjitha në kundërshtim me projektet që keni kryer deri më tani. Dashuria: Çiftet duhet të jenë më afër dhe të rizbulojnë se çfarë do të thotë të mbështesni dhe ndihmoni njëri-tjetrin. Të gjithë duhet të kujdesen për veten e tyre në një mënyrë më të butë dhe të kujdesshme se tjetra! Beqarët duhet të përshpejtojnë disa takime, pasi jo çdo person me të cilin flirtojnë do të dalë për atë që shpresonin! Paratë: Nëse do të udhëtoni këtë javë, para së gjithash, kini kujdes me paratë ose dokumentet bankare që mbani me vete. Nëse prisni të merrni para nga një vendbanim tjetër, atëherë probabiliteti që kjo të ndodhë këtë javë nuk është i lartë ose do të ketë pengesa, vonesa.

Përvishni mëngët dhe bëhuni gati për punë, pasi Venusi nis një kalim shumë të bukur në shenjën tuaj në datën 8. Po ashtu edhe Mërkuri do të jetë në favorin tuaj. Tetori do të jetë një muaj rilindjeje. Muajt e kaluar keni shpenzuar shumë, por këtë muaj do ta mbushni portofolin. Detyra të reja në punë, përgjegjësi që do të sjellin fitime. Pasi keni kaluar një krizë financiare prej disa muajsh, dëshira juaj për të ndryshuar ka qenë e madhe. Tani do të përballoni me sukses edhe ndryshimet më të vështira. Kush nga ju ka shitur një pronë apo një aktivitet ndihet më i kënaqur. Të gjitha çështjet ligjore janë të favorizuara në këtë periudhë. Sigurisht, mos pretendoni shumë duke dëshiruar gjëra të pamundura. Sukseset personale janë të garantuara. Këto javë do të jenë të mbushura me gjëra interesante edhe në fushën e ndjenjave. Falë Venusit dhe Mërkurit, pasioni do të shtohet dhe çiftet që kanë debatuar, sidomos në gusht, tani janë më të qeta. Kush nga ju është ndarë gjatë verës, vjeshta do t’i sjellë lajme të mira, madje do të merrni vendime që do t’ju ndryshojnë jetën. Një telefonatë do t’ju ngrohë zemrën rreth datës 21. Bëni mirë të mos i shmangni emocionet dhe të jeni të hapur ndaj mundësive. Mos mendoni më për të kaluarën. Familja do të jetë protagoniste këtë muaj dhe për ata që duan të blejnë një shtëpi, tani është çasti i duhur. Këta muajt e fundit gjithçka ka ndryshuar në jetën tuaj për shkak të ndikimit të Uranit. Kjo periudhë e ndryshimeve të mëdha ju ka lodhur edhe paksa fizikisht, megjithatë tetori do të jetë muaji i kapërcimit të problemeve shëndetësore. Mos u lodhni me mendime të kota dhe shikojeni të ardhmen të mbushur plot me mundësi të reja.

Horoskopi Vjetor

Për vitin 2020

Viti 2020 do të jetë i mbushur plot pasion në çdo fushë. Pasioni udhëheq jetën e Akrepit, qoftë në dashuri, dëshirë, punë apo çdo fushë tjetër të jetës. E duket se përgjatë këtij viti nuk do të mungojë duke sjellë zbulime të reja si dhe ndohje intense dhe interesante. Paratë që i ndani me dikë tjetër, partneriteti në financa dhe asetet e rëndësishme që ju dispononi së bashku janë tepër të influencuara nga personi tjetër i rëndësishëm. Disiplina dhe vetëkontrolli janë tepër të nevojshme gjatë gjithë vitit, të dish se cilën rrugë do të duhet të ndjekësh është e lehtë, vetëm luani sipas rregullave. Eklipset hënore të këtij viti do të sjellin esencën e vetë në jetën tuaj. Në janar një event tepër i rëndësishëm do të ndodhë, që ka të bëjë me pasionin e madh të përshkruar më lart. Qershori do të sjellë situata të këndshme njohje të reja që hapin një sërë mundësish të reja për ju. Eklipsi i fundit hënor ndodh në nëntor në shenjën tuaj duke sjellë njëkohësisht edhe mundësi për fillime të reja. E rëndësishme është t’i kushtoni vëmendje nevojave dhe dëshirave duke zgjedhur me kujdes rrugën e duhur për t’i arritur. Këshillat: Janar: Moment ideal për të rizbuluar partnerin/en, pasionet dhe dëshirat Shkurt: Një muaj plot sukses, shumë persona me influencë do jenë prezent në jetën tuaj Mars: Do të bëni shpenzime të mëdha Prill: Një nga muajt më të mirë për të avancuar profesionalisht Maj: Mos u tregoni impulsiv në marrëdhënien me partnerin/en tuaj këtë muaj Qershor: Rekomandohen më tepër ushtime fizike dhe një mënyrë jetese më e shëndetshme Korrik: Shtyni pagesat e mëdha për muajin tjetër Gusht: Muaji ideal për të hedhur një hap të madh në lidhjen tuaj dashurore Shtator: Gjeni metoda për të rritur energjitë tuaja Tetor: Suksesi është në anën tuaj këtë muaj Nëntor: Një muaj plot energji dhe arritje Dhjetor: Do të jeni plot energji dhe tepër aktiv, duke patur nxitje morale edhe për vitin tjetër

Horoskopi i Dashurisë

Për vitin 2020

Herët gjatë 2020-ës, një marrëdhënieje sociale të komplikuar e gjatë 6 apo 7 vjeçare do t’i vijë fundi. Kjo do të sjellë që nga mesi i shkurtit të afroheni më tepër me miqtë e vjetër dhe të afërmit tuaj. Fushat për të cilat duhet të shqetësoheni janë oraret e punës, programi i shkollimit dhe marrëveshjet financiare jo produktive. Pas 11 marsit, nëse jeni single, një marrëdhënie tepër pasionante, sensuale dhe romantike pritet të vijë. Deri në fillim të qershorit, shumë prej jush të shenjës së Akrepit, gjithsesi duhet të merrni vendim midis të shkuarës dhe të tashmes. Besojini zemrës, instiktet tuaja janë të sakta. Gjatë fundit të këtij viti do të ndjeni mbështetjen e madhe dhe të vazhdueshme të njeriut tuaj të dashur. Marrëdhëniet afatgjata do të marrin një rol edhe më të rëndësishëm gjatë muajve të verës. Për një marrëdhënie të ngushtë, pas 26 gushtit do të duhet të merrni disa vendime serioze. Priten plane afatgjata por edhe miratim nga familja. Një vit tepër kërkues, qëndroni të fokusuar në të ardhmen, jo në të shkuarën.

Horoskopi i Punës

Për vitin 2020

Gjatë muajve të ardhshëm, rol të rëndësishëm te paratë dhe asetet do të kenë edhe personat me të cilët keni marrëdhënie. Do ta gjeni veten duke u përballur me eprorë, partnerë dhe kolegë tepër të fuqishëm. Ata do të sjellin mundësi të reja në jetën tuaj, por se si zgjidhni ju të veproni është problemi. Sikundër do të keni momente kur për të siguruar resurse financiare do të nevojitet vetëm puna tuaj. Është një kohë e mirë të mësoni dhe pranoni faktin se ju nevojiten edhe të tjerët.

Horoskopi i Shëndetit

Për vitin 2020

Viti 2020 nuk sjell ndonjë ndryshim të madh, as ndonjë lajm alarmues. Por sjell ndryshim në qëndrimet tuaja dhe mënyrën se si përkujdeseni për mendjen, trupin dhe shpirtin. Do të jetë një riorjentim tepër i mirë për ju, veçanërisht për të ndaluar ato probleme mjekësore që jeni të predispozuar të prekeni. Zgjidhni kinesioterapinë nëse keni probleme me shtyllën kurrizore. Ushtrime të tjera gjimnastikore gjithashtu mund t’ju ndihmojnë. Nëse keni shqetësime me alergjitë, kujdes pasi gjatë këtij viti mund të përkeqësohen. Një tjetër aspekt pozitiv i këtij viti është rritja e energjisë, çka do t’ju ndihmojë të arrini edhe më shumë qëllime.

Karakteristikat e shenjës Akrepi

Kanë vullnet të fortë, janë dinamikë, të shpërqendruar, këmbëngulës dhe seriozë. I tërheqin provokimet. Janë enigmatikë, misterioz dhe të errët. Bëjnë gjithçka për miqtë, por gjinisë tjetër nuk i besojnë. Motoja e tyre është "gjithçka ose asgjë". Janë dashnorë të mëdhenj dhe shkencëtarë.

Përshtatet me: Gaforren, Peshqit, Bricjapin, Virgjëreshën

Nuk përshtatet me: Ujorin, Luanin, Binjakët, Shigjetarin, Peshoren, Dashin

Neutrale me: Demin, Akrepin

Shenja e kundërt: Demi

Motoja: Unë dëshiroj

Planeti: Plutoni

Profesioni: Financier, psikiatër, detektiv, avokat, spiun, speleolog, okultist, tregtar.

Mangesia: Xheloz, hakmarrës.

Elementi: Uji

Polarizimi: Negativ

Kualiteti: Fiks

Ngjyra: E zezë

Lulja: Hibiskusi & Barbaroza

Gjej shenjën tuaj

Këtu mund të gjeni shenjën tuaj të horoskopit duke zgjedhur datëlindjën tuaj.

Përshtatja e shenjave