Leximi i filxhanit

Leximi i filxhanit të kafes, ndryshe i njohur si FALL, është praktikuar tradicionalisht në shumë vende të botës nga gratë e familjes, zakonisht në mbledhjet familjare dhe të miqve. Më shumë

Përgatitni kafen tuaj të preferuar duke vendosur sasinë e sheqerit sipas dëshirës, si dhe dy lugë kafe. Zakonisht kafeja më e përshtatshme për leximin e së ardhmes është kafe turke. Para se të filloni të pini kafen, gjithashtu mund të paraqiten edhe disa flluska në sipërfaqen e kafes të cilat nënkuptojnë ardhjen e parave. Uluni dhe shijoni filxhanin tuaj të kafes. Filxhani duhet të jetë i gjerë dhe i pjerrët në pjesën e sipërme, kurse brenda tij me një sipërfaqe të lëmuar dhe pa dekorime. Mos e derdhni kafen në asnjë mënyrë! Mbaroni kafen tuaj duke lënë një sasi të vogël në fund të filxhanit. Kapni filxhanin me dorën e majtë dhe silleni tri herë në drejtimin e akrepave të orës. Sigurohuni që kafeja të shpërndahet në të gjithë brendësinë e filxhanit. Pastaj përmbysni filxhanin në pjatëz dhe lëreni kafen që të thahet. Përveç leximit të filxhanit, ju gjithashtu mund të interpretoni edhe shenjat e kafes së mbetur të cilat paraqiten në pjatëz. Leximi i kafes duhet të bëhet nga të tjerët, nëqoftëse bëhet nga vetja atëherë është shumë e vështirë që të lexohet e ardhmja në mënyrë objektive.

o

Oktapod - Rrezik.

Ombrella - Jeni të vetmuar dhe ndjeheni të braktisur,prandaj ju nevojitet një strehim, mbrojtje e dikujt,një mbështetje... Nëse ombrella është e hapur, atëherë mos u brengosni - do ta gjeni mbështetjen. Nëse ombrella është e mbyllur nuk do të keni përkrahje apo mbështetje nga askush, edhe pse e keni pritur këtë, posaçërisht nga ata më të dashurit.

Ora - Nëse është në maje të filxhanit , duhet të jeni të shpejtë në realizimin e planeve dhe qëllimeve të përcaktuara. Koha nuk pret , sepse më vonë do të jetë me të vërtetë vonë. Nëse është në mes, ju vjen një rast i përshtatshëm të cilin me çdo kusht duhet ta shfrytëzoni. Nëse është në fund, kujdes nga rreziqet , ju kanoset sëmundja , aksidenti, apo ndonjë fatkeqësi tjetër.

Orë - Së shpejti do të keni takim të rëndësishëm.

Orë gote - Një vendim që duhet bërë.

Orë rëre - Rrezik i pashmangshëm, papërfundim, koha që mbaron.

Oxhak - Rreziqe të fshehta.

Oxhak dhome - Çështje që lidhen me shtëpinë tuaj.